معلومة هامة عن التحصينات الميتة
هى مش مهمة عند المربى لاكنها فى غاية الاهمية عند المشرف او اى واضع برنامج لقاحى
من المعروف ان اللقاحات الميتة بتكون فيرس تعرض لمادة لقتلة
وان الفيرس دا مكون من جدار ومادة وراثية
المادة الوراثية دى هى المسؤولة عن تكاثر الفيرس ولو هى كويسة الفيرس بيعمل مرض
وجدار الفيرس دا هو اللى بيعمل المناعة اللى احنا عاوزينها
يعنى شغل التحصينات الميتة بيكون على جدار الفيرس بتاع التحصين
يعنى علشان يكون التحصينة دى كويسة لازم تحافظ على جدار الفيرس المقتول دا لاكنها تقتل المادة الوراثية اللى جوة
طيب فية اكثر من طريقة
طرق قديمة زى قتل الفيرس بالفينيك ودى تقريبا مش موجودة الايام دا
وفية 3 طرق اخرى موجودة
القتل بالفورمالين
القتل بمادة البيتابروبيولاكتون BBLO
والقتل بمادة ثنائى الايثلين امين BEI
طيب وجد من خلال عدة تجارب معملية وحقلية لشركات كبيرة
ان القتل بالفورمالين دا مهما عدلوا او ظبطو مدة تعرض الفيرس للمطهر او تركيزة المطهر انة بياثر ولو بجزء بسيط على جدار الفيرس
اللى هو الجزء اللى عاوزينة سليم علشان تتم عملية تكوين المناعة بشكل جيد
لاكن القتل ب BBLO او BEI بيقتل المادة الوراثية فقط من غير اى تاثير على الجدار بتاع الفيرس
ومن هنا كانت افضلية لقاحات ميتة عن اخرى
ولو عاوز تتاكد من المعلومة دى
احقن عينة بلقاح ميت معامل بالفورمالين واخر معامل باى من المادتين دول وقيس مناعة وشوف النتيجة
فنصيحة للاخوة المختصين
شوف التحصين الميت بتاعك مقتول باى مادة قبل التعامل معاة
مع تحياتى وشكرا
مهندس عاطف عبد الدايم
0 التعليقات
